Skólabókasafnið Skólabókasafnið er lifandi fræðslu-, upplýsinga- og menningarmiðstöð skólans. Þar er fjölbreytt úrval af bókum til yndislestrar auk náms- og kennslugagna. Skólasafnið er mikilvægur hlekkur í öllu starfi skólans, sem byggir á læsi og námsvitund. Lestur og lestrarhvatning er stór þáttur í starfi skólasafnsins. Markmiðið er að gera nemendur að áhugasömum lesendum á bókmenntir og fræðiefni. Skólinn leggur áherslu á víðsýni og að nemendur læri að afla sér upplýsinga og séu upplýsingalæsir. Allir nemendur og starfsfólk geta fengið lánaðar bækur á bókasafni skólans sem er opið frá 8:30–15:00 alla virka daga. Nemendur geta farið á safnið í skipulögðum bekkjarferðum en eru líka hvattir til að nýta sér safnið eins og hægt er. Fjölbreyttir safnkostir Á bókasafninu eru tímarit, myndefni, hljóðbækur og spil fyrir nemendur til að njóta. Nemendur geta fengið aðstoð við heimildavinnu á safninu í samráði við bókasafnsfræðing og kennara. Hægt er að fá lánaðar kennslubækur eftir þörfum þar á meðal bækur fyrir framhaldsáfanga í valgreinum. Allur safnkosturinn er skráður í Leitir sem er sameiginlegt bókasafnskerfi fyrir allt landið. Umsjón með bókasafninu hefur Steinunn Þorsteinsdóttir, upplýsinga- og samskiptafræðingur.
