Náms-og starfsráðgjafi er trúnaðarmaður nemenda, gætir hagsmuna þeirra og leitar lausna í málum þeirra. Hægt er að hringja á skrifstofu skólans  í síma 555 1011 og panta viðtalstíma eða senda á kolbrun@setbergsskoli.is.

Helstu verkefni náms- og starfsráðgjafa

• Persónulegur og félagslegur stuðningur við nemendur þannig að þeir eigi auðveldara með að ná settum markmiðum í náminu.
• Að veita nemendum ráðgjöf og fræðslu um náms- og starfsval.
• Að leiðbeina nemendum um vinnubrögð í námi.
• Móttaka nýrra nemenda.
• Aðstoða nemendur við að gera sér grein fyrir eigin áhugasviðum og meta hæfileika sína raunsætt miðað við nám og störf.

Náms- og starfsráðgjafi vinnur í nánu samstarfi við foreldra eftir því sem við á og hefur samráð við aðra sérfræðinga innan og utan skólans og vísar málum einstaklinga til þeirra eftir því sem við á.

Náms- og starfsráðgjafi er bundinn þagnarskyldu um einkamál nemenda, að undanskildum ákvæðum í lögum um barnavernd.